( من شاعر الحب العفيف الصّدوقـي )

/
/
/
/
/
/
/
/
/
/
/
/

نايف بن صالح المالكي=
يالاحمـدي هـاك استلـم عـدّة ابـيـات=من شاعر الحب العفيف الصّدوقـي
مضمونها التّقدير رغم المسـافـات=ياشـاعـرٍ تكتب بديع الطروقي
وش قولتك في حبّ بالصدر بيّات=يكوي فؤادي كي كلي حروقي
حبّي لبنتٍ بالحـشـا حـي مامات=لون الهوى غارب ولاله شـروقـي
وش حيلتي يوم افتكر ذيك الاوقات=يومي مع الاخطار تحتي وفوقي
يوم الهوى وافي بروحه وجيّات=ومن عقبها شفت الجحـد والعقوقـي
واقفت وخلتـي عليلٍ بحسرات=وماهمّهـا حبـّي وقلبي وشوقي
هات الدّوا لاهنت وافي بوصفات=وابصرفه جعله يداوي عروقي
والشّكر لك ياشـاعـرٍ لا وهيـهـات=نلـقـى مثيلك يا رهيف الخفوقي
خالد بن عبيد بن معتوق ألأحمدي=
يالمالكي حاضر لكم كلّ الاوقات=شاعر وضلاّ فالمحبّه يتوقي
حافظ لكم تقديركم طيب نيّات=ياللي لطيب العلم طبعك عشوقي
الحبّ دربه عادته فيه لفّات=ياما جرا بالحب قضب الحلوقي
جروحه العطبا تبقّي علامات=ولنتا بهذا الحال قبلي سبوقي
لاتفتكر لحظه تجيب النّدامات=مافات مات ولا تفيد الحقوقي
العشق لحظاته تبدّا بفرحات=ومسرع تبدّل حالته بالفروقي
ومن ينكر العشره مهو كسب لذّات=بعده غنيمه والرّجا مايلوقي
بدّل جديد الحبّ عن حبّ قد فات=واختار فالتّرفات ترفٍ يفوقي
والعفو ياشاكر لنا لك تحيّات=قليل مثلك للجزاله شفوقي