(والله يجزا خير من عزّاني=واهل الوفا ماانسالها مسعاها)

/
/
/
/
/
/
/
/
/
/
/

ذكرى حزينه في شهر ذالقعده=تتجدّد الاحزان في ذكراها
في 19/11 ذا موعدها=لحظة وداع ابوي مابنساها
ياليتني ميّت في ذيك الليله=ولا عشت لحظة حزن مابقواها
فرقا عزيزٍ عزّني واغليته=نفسي بظلّه بالحنان اثراها
اللي على عرش الفؤاد اتربّع=تغليه نفسٍ صانها واغلاها
غالي دفنته في بقيع الغرقد=عليه عيني مايكفّ ابكاها
ابوي تاج الرّاس ماانسى فضله=لو تنكر اهل الارض فضل اباها
له سيرة الاخيار وتنومسني=واليا طريت اسمه بديت اتباها
اللي علوم الطّيب منه ادّرس=ومنّه ورثناها ودرّسناها
والله لولا الموت شي امقدّر=ماكان نفسه حاصلٍ فرقاها
يحماه بعد السّيف رمي البندق=وتعيش نفسه والكدر ماجاها
لكن مالي بامر ربّي حيله=وامر انكتب لنفوسنا مااخطاها
والله يجزا خير من عزّاني=واهل الوفا ماانسالها مسعاها
وراجيك يالرحمن واستودعتك=روح الفقيد اطلبك عطها ارضاها
واليا جمعت النّاس يوم المحشر=ظلّه بظلّك رحمتك يهناها
واسقيه من حوض الشّفيع محمّد=شربه ولاتضميه لذّة ماها

الشّاعر / خالد بن عبيد بن معتوق ألأحمدي