( اسم امها سوزان واسم اختها مي ).......... مساجله

/
/
/
/
/
/
/
/
/
/
/
/
/
/
/
اخواني الكرام هذه القصيده وصلتني ليلة البارحه من اخوي الشاعر القدير
/ نايف بن غانم الحبلاني ( شاعر الحدث )
وانقلها لكم مع الرد واتمنى بأن تنال ‘عجابكم
/
/
/
بدع الشاعر / نايف بن غانم الحبلاني ( شاعر الحدث )

الله على اللي خصرها شبر واشوي=وماجاوره بالعكس صعب اصتدامه
بنت ٍ صغيره ماقدر وصلها حي=ولا راجعت تشكي حسوس لسلامه
ماطبها المحجام والفكس والكي=من نسل خاشقجي عليها علامه
اسم امها سوزان واسم اختها مي=وحتى بجدتها تشوف الوسامه
ماحوّمت بالحمض واغراب واعطي=ولا قيّلت مع ربعها بالثمامه
مصيافها مابين لبنان ودبي=ومابين قبرص وانقره والمنامه
حليمه وهيفا معاها ولا شي=حلوه وبطرانه وهيبه وقامه
ياصاحبي لاتقول لالا ماهي هي=هذا هوى بالي وغاية مرامه
والا السعوديه لها بالدجى ضي=شمعه ومصدرها الوفا والكرامه
هجوس سرّتني وانا بخاطري شي=وارجوك لاتلحق هجوسي ملامه

واليكم
الرد
من الشاعر / خالد بن عبيد بن معتوق ألأحمدي

الله على خطّك وصف زين بضبي=ياشاعر ٍ يطلب نفسّر حلامه
توصف لي المجمول في وصف بوسي=ولاّ تلمّح لي بفاتن حمامه
خذها نصيحه من قبل تنطوي طي=الود لاتحرق ضميرك سهامه
انت بدوي ضاري على الشمس والفي=وتسري على مقصدك وقت الجهامه
دور مع البدوان عن زين مغري=اللي نظامك منطبق في نظامه
واعرف ترى بالود شيطان مغوي= وميلك على الحضران يحسب هيامه
ملبوسك المعتاد ماهو لهم زي=تجبرك يانايف تطش العمامه
وان ودتك لبنان ودتك للغي=ماشوفها ياخوك ديرة زعامه
دار الزعامه بالعرب ديرتي ذي=شعب وحكومه نشتهر بالصرامه
وان كان هاجوسك سرت سبّة اصبي= عزي لمثلك مبتلش في غرامه