(( كتبت بالاحمر قصيده على القاف = موزونتاً وحروفها وافياتي ))

من قصايدي اعرضها لنقاد ونشوف وش عندهم من توجيهات بناءه

كتبت بالاحمر قصيده على القاف = موزونتاً وحروفها وافياتي
من هاجساً يرجد بقلبي ولايشاف = شيـاً يصدر وأغـلبه وارداتي
أقلب الهاجوس في راس مشراف = شياً يسلي وشي نغص حياتي
ذكرت غظ العود مزيون الاوصاف = غظ النهد منساه لين المماتي
لاواعذاب القلب لاغمض وشاف = وقام ايتخيل مشيها بالعباتي
هاجوس يسريبه وهاجوس حواف = وهاجوس وسط القلب شتت شتاتي
وكلاً كشف مافي اوشاف ماشاف = ياظيم حالي لادعيته وجاتي
انشهد اني فيه لاسمع ولاخاف = هرج العرب والخلق وكثر الشماتي
ماهمني ناصر ومشعل ونواف = ومعصبات الراس وباقي خواتي
هـذا الكلام الصدق ماهو تخراف = وش حيلتي ياناس ويش السواتي
اللي يدل الدرب ايقال عراف = ونا ادله لين نهر الفراتي
وصارة حياتي بين تاجر وصراف = من شان غض العود ارهن حياتي

يسمح بنقد وتوجيهات مع تحيات فتى ديم طبعن القصيده من خيال قايلها

يافتى ديم ونعم بهل ديم والقصيده زينه وبدايه ممتازه ولاكن يابني
الايقونات ليس صحيحه تقبل تحياتي بالتوفيق

	المشاركة الأصلية كتبت بواسطة صلاح الحيسوني

	يافتى ديم ونعم بهل ديم والقصيده زينه وبدايه ممتازه ولاكن يابني الايقونات ليس صحيحه تقبل تحياتي بالتوفيق

يسعدك يالحيسوني الايقونات تسليه فقط شفتهن قدامي وخربت فيهن تصدق انها الوله

بس ابلغ الاحباب انهن لايراد منهن اي هدف

شكراً على مرورك وشكراً للجميع

صح لسانك مليون على القصيده
والقادم اجمل
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة