لاتطفًي الشًموعي

لاتذرفين الدمع وتنزل دموعي = دمع الفراق يحطًم اجداف الاحلام
احاول انسى واتسلًى بربوعي = واقول ذا طبع الليالي والايام
لو تمشي الدنيا على حسب طوعي = صرنا لكم يازين اقراب وارحام
طبعي على حكم المصايب قنوعي = اصبر واشيل الهمً من وين ماحام
هذا نصيبك سيف ماله دروعي = ان ماقنعتي فيه عشتي بالاوهام
مبروك عرسك لاتطفًي الشًموعي = عمً الفرح مابين اخوال واعمام
بكره ليا حضرت كثير الجموعي = وغنًو على قاف الطًرب كلً الانغام
من بينهم مثل الغزال الجزوعي = فيك عيون الهند وخدًك من الشًام
امشي بخطوة واثقه لاتروعي = دربك ورود ويجرح الورد الاقدام
وليا مشيتي حان وقت الطًلوعي = بالكوشه اللي حطًمت كل الارقام
وطلًي عليهم بالفرح والخشوعي = كنًك امام وحوله النًاس اصنام
يشبع بشوفك من حصل فيه جوعي = ويطيب من يشكي خبيثات الاورام
جعل العيون اللي عليكي تزوعي = حيث البشر مابين حاسد ولوًام
وانا بوسط الناس واكل قدوعي = وصبًولي الفنجال بالقصر خدًام
واسمع زغاريت العذارا بظلوعي = لازغردن زادو على قلبي آلآم
خلاص درب الحبً ماهو سنوعي = ان كان عدًا عن تشاريع الاسلام
بدعيلك الله في سجودي وركوعي = واذكر ليالي الشوق من قبل لانام
واواسي الخاطر ومركاي كوعي = واكتب على كل الدفاتر بالاقلام
هذا القدر لاصار ماله رجوعي = وحال البشر في حكمة الناس مادام