لحن..( كل ٍ معانيه مـن ذوقـه) ..مع الشاعر القدير / محمد حجيّج الاحمدي

/
/
/
/
/
/
/
/
/
/
/
/
/
/
/
/
/

خالد بن عبيد الاحمـدي=
سلام طيبه رفع سوقـه=ياصل جنابك وله مغـزاه
ميّز حروفـه ومنطوقـه=والقاف لاينحرف معنـاه
مـحـمـد حـجـيّـج =
ترحيب نابع من عروقه=من اول القاف لين اتلاه
كل ٍ معانيه مـن ذوقـه=جود بناهـا قبـل بناه
خالد بن عبيد الاحمـدي=
تبقى ياشاعر له اطروقه=بالحرف شاق الذي يقراه
نبغى مناقشك في روقـه=واللي يزعّلك مانرضـاه
مـحـمـد حـجـيّـج =
انا على ساقـة ابروقـة=لاهل حرفه وحطّ امضاه
مانختلف فيـه وحقوقـه=ماتزعل اهل العقل والجاه
خالد بن عبيد الاحمـدي =
داري لو النّفس محموقه=اللي معك زلّ في ممشاه
مادمت تغليـه وتشوقـه=دوّر له العـذر لاتشنـاه
محمد حجيّج الاحمدي=
لاصار ماهي بمسبوقـه=ماودي احسب عليه اخطاه
احمل له الطيب وعذوقة=ودراه لو زل في مرمـاه
خالد بن عبيد الاحمدي=
نفسك عن الشّين معتوقه=وهذا عشم فيك واعلنّاه
ابليس مايغرّك فبوقه=لاجاك يطرد بذكر الله
محمد حجيّج الاحمدي=
الكل له رب من فوقـه=يحيا بذكره ولا يعصاه
والنفس طوقتها بطوقـه=منجاة لأهل العقل منجاة

من افضل ما قرأت من محاورات
ربي يسعد ايامك ولياليك
تحيتي وتقديري

صحت الالسن وطابت القلوب
ودمتم بود

أكيد
من افضل ما قرأت من محاورات
صحت الألسن وبيض الله الوجيه
على اللحن الوجيه
ورحم الله والديك ما
والله يعطيك العافية
تحيتي وتقديري لكما

مبدعان حفظكما الرحمن

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

تلميذ الكسره
شهادتك اعتزّ بها
والف شكر لك على مرورك
وصح بدنك