حرب و اليوم الكبير

السلام عليكم ورحمة الله وبركاته

حيوا اليوم الكبير أبطى على عمانه=كان جانا ذا السنه فزيارته مطلوبي
خابر اليوم الكبير بسايره واقنانه=وان نشدته قال ما بيني وحرب أوجوبي
من يعرف معزبه ما يجهل بضيفانه=له فراش وعارف لفنجاله المصبوبي
والتحيه والنبا وأفصح لسان لسانه=والجواب الذرب له زادي وله مشروبي
وحرب في وقت السعه من سابقات ازمانه=مايُغيَّر فالزمان اكتابه المكتوبي
السعه لا أسرج ولا يشعب عليها احصانه=طبعه من كابر وإلى كابر مهو باالدوُبِ
وإن بدى وجه الزمان القارن ابحِجَانه=قرِبوه امجنده وقرِبوه إركوبِ
وخرو عن سكته ونعوْذه شيطانه=خلوا اليوم الكبير لصاحب الاسلوبي
كانها خذها وذقها كلن وذرعانه=مالها ألا حرب بالله وإفسحوا لي ادروبي
معركة خصماً وخصم ؛ لطايلات أيمانه=حرب ماغيره لهم وحسابه المحسوبي
اسحب القوات خلوا حرب في ميدانه=خلو الضارب _ من الحكمه _ مع المضروبي
العداله كفتين وقرروا ميزانه=يرحم الله بعدها الغالب مع المغلوبي
لا التقى ، اليوم الكبير وحرب مرخي اعنانه=والله انه ما يضلي فالبلاد أثيوبي

وسلامتكم