راحت ملايينك وزالت معالمك ** واللي مـدحك العام عوّد إلسبـك

..بسم الله الرحمن الرحيم..
هذة الأبيات هي بمثابة النصيحة لشريحة من المجتمع وهم اللذين سيطر عليهم
حب الدنيا وركزوا إهتماماتهم حول المادة والجشع بحطام هذة الدنيا الزائلة.
والله اسأل أن يرزقنا وإياكم القناعة والسداد في القول والعمل...

تراك لاكثرت مصادر دراهمك=
= لا تامن التقصير في حق ربك
لانك ورى الدنيا تكرب محازمك=
=في زودهـا يزداد عـاتي مهبك
تهرف هريف الذيب والهم زاحمك=
= والبنك من كثر الملايين حبـك
ولاينفعك بنكٍ بالإيداع رايمك=
= لا جـاء نهـارٍ بالمـقـابر مطبـك
أفنيت عمرك للدراهم تجشمك =
=وبقى العمل والمال ياشين كبك
راحت ملايينك وزالت معالمك =
=واللي مـدحك العام عوّد إلسبـك
وعقب العزاء تقسم مخازن غنايمك =
=ياللي سكنت بدار ماهـي مربك
والزوجة اللي ماضي الوقت تفهمك=
= جـاهـا عشـيـق لمالهـا ماحسبّك
وأرحم عيالك بالصحاصيح دمدمك=
= وقفيت عن دنيـاك لوجاه ربـك
وقدمك حسناتك وقدمك ظلايمك =
= ويا حسرتـك ون كـان مـالك لعبك

الشاعر/ سند مسند العريمه.