حيابها ( ممدوح )والصدر مشروح)( في حفل ممدوح فهدالبدراني

هذي قصيده قلتها في حفل ممدوح فهدالبدراني

سلام ياالحضار في حفل ممدوح=في حفلةٍ يسموبها حسن ادبها:
حيابهاممدوح والصدر مشروح = حيا أبضيفانه وكمل وجبها :
الهيل والترحيب مع عودا يفوح = نسة طراقي حفلته من تعبها:
عساه ما يوجس من الوقت ساموح = النادر اللي كل عليا كسبها:
انا اشهد انه ياهل العرف طحطوح = عقب الرجال اللي رفيعاً نسبها:
عقب الرجال اللي لها بالدجا ضوح = شمس الضحا محداً بردنه حجبها:
قلته وانا مكلف من الروح بالروح = ولا ني من اللي لا لعبها عقبها:
اما انجرف مع درب من غير مصلوح = والا الامور اللي بغاها قلبها:
والشاعر اللي ما يموح الدلي موح = يروي االكبود الضاميه لا جذبها:
ودك أيريحها ولا يبعد الشوح = ما كل يومٍ مع طريق ايهذبها:
والشعر قولت زيد مقفي ومنطوح = عند الاديب اللي يروض صعبها:
خص المديح اللي بسالم ومسروح = العاصيه تنساق له ما غصبها:
يومنها ما بين ذابح ومذبوح = لا حافها راع الطمع ما قربها:
اهل الخيول اللي تزوح العدا زوح = كم حلو بديره وشدو عربها:
لين ان ابو تركي حكم كل سافوح = فوق الركاب اللي تقارش قربها:
حنا من النصار البطل وين ما يروح = لين استلم روس الحبال وكربها:
نعم بني سالم ونعمن بمسروح = حسامة الدعوا اليا جا وجبها:
ثنتين خلن راعي الحقد مجروح = اثفل على الرديان من سودة ابها:
بخلال عشر اليام والكم ممسوح = من مد مده لـ الإلـه احتسبها:
عطيت روس اقلام عن سردة البوح= خوف المدايح لا تفرع الشعبها:
صلو عدد ما ناح ورقن على دوح = على الرسول بدعوتن نطلبها

غازي مغيران الزغيبي