** وقــــــــع العبــــــــــــــــاره **

إخوتي الكرام كان من الأولى أن أرد على بعض الردود التي لم أتمكن من الرد عليها لضيق
الوقت - في قصائدي السابقة - ولكني احببت أن أقدم لكم جديدي وسأرد لاحقاً على البقية مع
اعتذاري لهم ،،،
إليكم القصيدة ( وقـــعُ العِبــاره )

سطّرت مدح القصيده واتركتني في ذهـول = عنـدها وقع العبــاره من جمــاله شدني
لفظها فُصحى فريده ترفض انصاف الحلول = في اللـغه تاخـذ صـداره بالبـلاغه تعتني
عبرت باللي تريده واحتوت كل الشـــــمول = نثــرها رغـم اختـصاره بالنفائـس مغتني
الشعر تعرف رصيده من فوائد للعقـــــــول = تنتقي أفضل محاره تكره المعنى الدني
دينها علم وعقيده طبعها طبع البتـــــــول = جمعها بيــن الحضــاره والأصـاله ســرني
حرفها يخفي مكيده لو لبس ثوب الخجـول = لو جذبنــي في مــداره يامنــجي نجنــي
خطها وصل بريده في فؤادي له فعــــول = والهــوى مابـه تجــاره من طعونه سمني
حطت الشوق وعبيده صرت افكر بالمثـول = جيشها طوق حصاره في حصوني دكنـي
حاولت قلبي تصيده والقلم عبد ورســـول = حــرفها رهـن الإشـــاره لكـن الله فكنـي
ما خلق قلبي حديده والخواطر بي تجـول = والهوى عكس اختيــاره لو جبـرته هزنـي

تحياتي
ســـــــمو الشوق

الشاعر الرائع والمبدع

سمووووووو الشووووووووووووق

صح صح صح لساااانك يالغالي

وبيض الله وجهك

صح لسانك و بيض الله وجهك على هذه القصيدة

بيض الله وجهك اخوي سمو الشوق

الله الله عليك يالغالي

صح لسانك اخوي سمو الشوق

قصيدة وابيات روعه

صح لساااانك

وبيض الله وجهك

صح لسانك اخوي سمو الشوق

الله يـعـطـيـك الـعـافيـــــــــــة على القصيدة الرائعه

بيض الله وجهك

صح لسانك واعتلا شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك وسلم بنانك قصيده جزله من شاعر جزل

تقبل تحياتي