صياف السحيمي ومستور العصيمي ومحاوره رائعه

صياف =
اشوف مستور العصيمي جاب حبله وجمله=وليا قضى تمر الحساء جاني يبي تمر القصيم
ان مد وحده من يديه املا يدي واحطله=وان كان مد يدينه الثنتين اقول الله كريم
مستور=
ان كان عندك تمر جيتك بالبعير وحمله=لكن لا تخلط لي التمر الجديد مع القديم
أظن صياف السحيمي ناسيا وش قلت له=وان كان ناسي قول يا صياف.. بالله العظيم
صياف=
التمر يا مستور ما عندك سنون تاكله=اكل الضروس السوس والنيبان ما فيها سليم
ياللي تبي ترضي هذاك.. وذاك تبغى تزعله=اهون عليك اللفلفة ولا الطريق المستقيم
مستور=
لا بدنا نلقي لنا غيرك عميل نعامله=وانا ضروسي من حديد.. وتكسر العظم الصميم
وان كان ما تدرون ويش الراي خلوه لهله=قد قيل بالامثال ما نزال شدد له مقيم
صياف=
ينفك باب الخير للطرقي وحظه يقفله=درب الصحيح يجيده العاقل ويخطيه الغشيم
اليا نقصت الكيل والمكيال قلنا كمله=حنا ترى ما عندنا فاصحابنا خشم.. وخشيم
مستور=
بان الصحيح وكل رجال عرفنا منزله=احد حياته في شقاء واحد حياته في نعيم
اللي يبي كحل العيون يلد يمي واكحله=والا على قول المثل ماب الغريم.. الا الغريم