محراف شقر لهوات الشقر "

هواجس الشعر تنخاني لبدع القصيد=والشقر يا عارفه ماهو بشقر العصاه
الشقر سمي جناس(ا) وفيه معنى وأصيل=وأيثير في كل شاعر فالحقيقه حماس

وين شعار الشقر مالهم طاري

هواجس الشعر تنخاني لبدع القصيد=والشقر يا عارفه ماهو بشقر العصاه

الشقر سمي جناس(ا) وفيه معنى وأصيل=وأيثير في كل شاعر فالحقيقه حماس


الاخ الطوغان

مانوع هالطاروق وهالقافيه واين مواقع الشقر منه


تحيتي

نوعه طاروق شقر ،وموقع الشقر منه في صدر البيت وفي عجز البيت أي في نهاية الصدر ونهاية العجز "

ناب الحنش هو مكان السم كم يلقص ايد=واللي فعوله تنومس ماهو (ا) من العصاه
وفـنـانـنـا تعـرفـونه ولـد سالم أصيل=ومن يجهل (ا) ابفتح أكيد أنه بيجهل حماس

ياللي تعرفون العتيبي علامـه
فالجامعه عيا يكمـل علامـه
على المعدل باقيتلـه علامـه
ياباغي الجنه حذاري من النار
الشاعر الطوفان
الشقر معناه شقر الكلمه من الاخرى تكون الكلمه
نطقها وكتابتها واحد والمعنى يختلف
مثل ابيات الشاعر حفيد الحجيري اعلاه
في موال لعبه معك
للمعلوميه يكون الشقر دايم بالموال في اخر كلمه من كل شطر
يعني الابيات اعلاه هي الشقر الحقيقي
ويكون بعلمك ان الشقر والموال دخيل على المحاوره
الشقر للعرضه فقط الموال يسمى بالحجاز قديمٍ المجالسي والبعض يسمونه المجارير
حيث الشاعر بالجلسه يغنيه والباقينن يرددون اخر بيت يقوله الشاعر
لكن االوقت الحالي يستخدم الموال والشقر في نفس الموال بالمحاوره
والشاعر اللي مايجيد الموال تقل شعبيته عند الجمهور وقد يواجه بعض الاحراج

شكرا للشاعر الكبير فتى تبوك وهذا هو الشقر المعروف

اما ابيات اخي الطوفان اول مره اسمعها


تحيتي للجميع

	المشاركة الأصلية كتبت بواسطة الطوفان

	هواجس الشعر تنخاني لبدع القصيد=والشقر يا عارفه ماهو بشقر العصاه الشقر سمي جناس(ا) وفيه معنى وأصيل=وأيثير في كل شاعر فالحقيقه حماس

اعذرني على القافه لكن وجدت انك ابدعت في الشقر ولهذا رديت عليك تقبل ردي بسعة صدر

في رحلة الصيد يالطوفان عل القصيد=وانته وانا غير من يمشي بامر العصاه
والشقر ياصاحبي ماهو لبو بكر اصيل=وانته من احزاب دعوة فتح والا حماس

االشاعر الطوفان
الشاعر علي حسان
صح الله لسنتكم

الشقر اللي نعرفه ماهوب هذا الله يسلمك و إليك لعب الشقر مع كبار الشعراء / حبيب العازمي و راشد السحيمي.

حـبـيــب الـعــازمــي

سرى الليل والمعنى بنيته بنا بنا

على اللي بكم معروف واللي بنا بنا

ونبغى التحدي مايشره بنا بنـا

على شان ما للاوله غير راعيهـا







والا يابحر ياللي فيك كان يسافر البابـور


وش اللي صار للبابور يادنيا مـن انتيلـه


تدور ايامنـا وليالنـا والمقبـلات تـدور


ورجل(ن) مايصلي لامر ربه وش يصلي له






راشــــــد الـسـحـيـمــي

سرى الليل اشوف الحق توه ظهر ظهر

تبي الواسطه لكن مالـك ظهـر ظهـر

تقدم صلاة العصر يعنى ظهـر ظهـر

على شان ما للاولـه غيـر راعيهـا







اخذنا دورنا وانت باقيلك ياحبيـب دور


كذا والا كذا صاحب ومشروبه فناجيلـه


تدور ايامنا والنار تالع والسلاح يثـور


لكن المدفع اللي من جهتكم ويش باقيله






حـبــيــب الــعــازمــي

ياقلب السحيمي ضم علمي ضما ضما

ليانـاض بـراق لحيانـا ضماضمـا

ومن يشرب الماء لايهمه ضما ضما

علشان مـا للاولـه غيـر راعيهـا







ترفق لاتخم اللقمه اللي تبلش الحنجـور


اليا نشبت بحنجورك ياراشد وش تسويله


ثلاث سنين وقدورك على نار الجهاد تفور


ومدفعنا ترى من صار في مرماه ياويله






راشــــد السـحـيـمـي

حبيب جمع عالم وفرق ولم ولم

ولكن شغله توه اللي ولـم ولـم

الم يعلم ان الخير واجب ولم ولم

على شان ما للاوله غير راعيها







انا دكتور والمرضان مايشرط على الدكتور


يسويبه يابـو فيصـل بكيفـه مايسويلـه


انا ياصاحبي ماني على كبر اللقم مجبـور


لكن صاحبك مدري ياحبيب وش مخليلـه






حـبــيــب الــعــازمــي

ضلع الحرامي يالسحيمي ورق ورق

وجنبيته اسخف من ضلوعه ورق ورق

وهذا الليالي جاه حالـه ورق ورق

على شان ما للاولـه غيـر راعيهـا







يادكتور العياده مايفيد دواك في المسحور


وكم دكتور ضاع دواه بين اليوم والليله


وانا اركض في الجزيره والعلم منشـور


وراع المشكله نحط له تيلـه ورا تيلـه






راشـــــد الـسـحـيـمـي

الارزاق هذه ياحبيب وهب وهـب
لكن الهوى ذعـذع وهـب وهـب
اهب انك كلك شر منزل وهب وهب
على شان ما للاوله غير راعيهـا






انا ماكني اعرف وجهك الا من ثلاث شهور


وهالحين نعرفك زيـن لـك مالنـا حيلـه


ليا صرت في الجنه تخير في بنات الحـور


متى مدري متى تسلم من القبر وبهاذيلـه






حـبــيــب الــعــازمــي

هبا بليس واللي يتبعه من بشر بشر
احسبك بصحه وانت اثرك بشر بشر
نبشرك وانت ماتقـدم بشـر بشـر
على شان ماللاوله غيـر راعيهـا






كذنك يالسحيمي ماتعرف الا حمد عاشور


اليا غنيت لك بيتين يوميلـك وتوميلـه