( قـــــــصـــة فيـــلـــكـــــس ) ..إلى الشّاعر القدير / فوّاز الزّويهري

(يَا مَعْشَرَ الْجِنِّ وَالْإِنْسِ إِنِ اسْتَطَعْتُمْ أَنْ تَنْفُذُوا مِنْ
أَقْطَارِ السَّمَاوَاتِ وَالْأَرْضِ فَانْفُذُوا لَا تَنْفُذُونَ إِلَّا بِسُلْطَانٍ)

/
/
/
/
/
/
/
/
/
/
/
/
/
/
/

الارض اغلافها الجوّي محاط بحكمة الجبّار=عليه الجنّ قبل الانس تلقى شهب تحرقها
ماغير المعجزه صارت بقدرة ربّك القهّار=على الاسراء والمعراج للمحمّد محققها
لجل تومن به الكفّار لو ماحتاج منها اقرار=مدام الله باياّته نزل جبريل وثّقها
وانا ماودّي تصدّق كذوب النّاس فالاخبار=علوم الغرب كم تخلف مباديها ومنطقها
ليا منّه نوى يخدع بدرب الكذب مايحتار=يزيّنها كما ودّه على صوره ينسّقها
لاصار انّه لقا عالم تجيله كيف مايختار=هذيك دقون محلوقه حسب رغبة محلّقها
وجاك القاف يافوّاز نقصد به معاك احوار=وابيك تجيب لي جابه بعد نظره تدقّقها
على قصّة فيلكس اللي تسجّل سحر للانظار=وانا ماني مصدّقها لو العالم تصدّقها
اقول انه فلم يظهر نجمّ حبّاك للادوار=قدر يضحك على جهّال مغربها ومشرقها
يعود امكان حدّد له بعد ينشاف بالمنظار=وهو فالجو صعب ايشوف لو عينه يبحلقها
وكان انّك توافقني على ماقلت فالاشعار=آنا شاكرك وآقدّر شهاده منك ترفقها

الشّاعر / خالد بن عبيد بن معتوق ألأحمدي