السلام عليكم ورحمة الله وبركاته ...
أقــدم لكــم هــذه القصــيدة التي أتمنى أن تحوز على رضاكـم وإعجابكــم
ياصاحبي قلبي جروحه عطيبه=وانت السبب ياجارح القلب بسكات
حبك عذاب وترك حبك مصيبه=يعني على الوضعين ما من سلامات
أما تحفظ القلب والاّ تجيبـه=والاّ يقال فلان من صاحبه مات
أخاف تخلفك الليال الرهيبه=مابه على سود الليالي ضمانات
بلاش أعاني معك وادفع ضريبه=يكفي جروح وغربله وامتحانات
الظلم ظلما والقيامه قريبه=والله على الظالم شديد العقوبات
إذا أنت سامعبي نميمه وغيبه=أهل النمايم هرجهم ماله إثبات
أهل المعاصي والوجيه الكئيبه=بين الحبايب ينشرون الإشاعات
كم فرّقوا بين الحبيب وحبيبه=وكم سدّدوا لقلوب الاخيار طعنات
وياصاحبي منك القطاعه غريبه=وين العهود اللي من اوّل وثيقات
ماكان عندي فيك شكه وريبه=حتى بدالي من تعاملك شكات
وان كان باقي في مشاعرك طيبه=هذي مشاعر واعتبرها إنتقادات
انته جرحت القلب وانته طبيبه=وانت الذي عطيت ماقلت لك هات
03-03-11, 11:19 PM
ما مـن سـلامـات
العرض الشجري