وقال الشاعر الكبير عضيب ابن هليل الحربي هذى القصيده التي يعبر فيها عن احوال الرجال الاكارم الذين يفرحون باكرام الضيف عند قدومه اليهم خلاف من يتضجرون عند قدوم الضيف اليهم. والشاعر عضيب يصور هذا الموضوع تصوير رائع.
ياماحلـى عقـب العـشـا شـبـة الـنـار=عقـب الهجـوع ليـا رقـد كــل كـوبـه
بقفريتـآ ياعبـيـد يــودع لــه شـعـار=وســواة فنـجـال يـشـوقـك صـبـوبـه
كيـف يجـوز لشـارب الكيـف والكـار=لــودوروا بــه غـمـزة مـالـقـوا بـــه
فـي مجلسـآ فيـه المشاكيـل حـضـار=بغيبـة ردى الـحـظ عنـهـم بـنـو بــه
الـلـي يـخـزون المـسـيـر بـالانـظـار=تكاظمـوا وليـا جلـس شـوشـوا بــه
تلافـتـوا عـلـى بعـضـهـم بـالانـظـار=وتغـامـزوا مابينـهـم وضحـكـوا بــه
النـاس فيـهـم يافـتـى الـجـود هــذار=مسترجـل ولـيـا لـبـس زيــن ثـوبـه
عـراض غـرة مسلـمـآ غـافـلآ غــار=ويعرضـه للنـاس لــو ماحـكـوا بــه
دايـــم لــغــرات الاجــاويــد عــقــار=يظهـر عيـوب ولادرى عـن عيـوبـه
وفيـهـم تبيـنـي لايـســرك ولاضـــار=ماغـيـر يحـسـب للربـايـع ضـروبــه
وفـيـهـم حصـيـنـي قـبـوعـآ وقـعــار=يوصف علـي ماقيـل بـه طيـر ذوبـه
وفيهـم بليهـي عـلـي الـكـود صـبـار=يصبـر ولـو زادت علـيـه الصعـوبـه
لاجــا زمـانـآ فـيـه غلـيـن الاسـعــار=غــدا لربـعـه بـــا لمـكـايـل جـلـوبـه
وأن جا نهار الضيق بالموسم الحار=يـرخـص بعـمـره مايـعـد محـسـوبـه