ياسـادة الفـن واربـابـه=كيف العمل والخصوم اقضاه
والحكم ما نجهل احسابـه=من يتركه فالزمان اشقـاه
المدعي صاح من مابـه=بانت مواري العنا فعضاه
ان كان سهم الغدر صابه=الله يعينه علـى بلـواه
آهــات قلـبـي مـــن اسـبـابـه=أصبحت ذيب (ن) يلج اعواه
الـمـدعـي بـــارت اعـصـابــه=وأصل السبـب طيرهـم أكـداه
فالحق لابـد ماتجابـه=حتى تنول الذي تبغـاه
لو سل سيفه مع حرابه=كيده ولاتلتفـت لبكـاه
القلب في حربه اعطابـه=وامر السياسه أبد مرعاه
ياليت واقدر على احسابه=لجل اغتنم من ثمره احلاه
اقطف من الورد واهنا به=واذهن من الشوك لاتجناه
درب الوفا تعرف ابوابه=من يعترض دربكم اجفاه