زومالة / فواز بن محسن الزويهري الحربي
وربعه الزواهرة
في حفل زفاف الأستاذ / مهنا فرج البشري
〰〰〰➰➰〰〰〰
سلام يابيت عزيز فواجبه جينا حزاما
ما نقصر الخطوة عنه والطيب لطيب لزاما
من لابة تجيب الكوايد فاليمن ولا في شاما
مبروك يا مهنا الهنا ما دام عزوتك البشور
.........
والثانية قصر المعزة ما يجي فيه انقساما
من دونه رجال الوفا عند الطلب فزوا قياما
حتى استوت للمسلين ودانت بكل استاقما
وحنا فرحنا لحالها والناس في غبن وسرور
〰〰〰➰〰〰〰
الرد / من قبيلة البشور من حرب
〰〰〰➰〰〰〰
يا مرحبا ترحيب وافي بالرياجيل الحشاما
أهل الوفاء اللي شرفونا من رفيعين المقاما
تاريخهم يشهد لهم وقت الملاقى والزحاما
الله يبارك في الرجال اللي تشرف فالحضور
.........
والثانية دار المعزة عاش في أمن وسلاما
فيه الرجال أهل الوفاء والطيب ورجال الزعاما
بقيادة اللي قادها بالحزم وأسلوب ونظاما
الله يديم الأمن دار أمان في طول الدهور
🍃🍃🍃🍃🍃🍃🍃