المشاركة الأصلية كتبت بواسطة لهب القوافي

ياللي تسميني باسم سالم الزير=أنا تراي الزير باخر زمانه
سالم قضى عمره شجاعـ(ن) وسكير=متنقلن مابين سرج(ن)وحانة
واليا غسل سيفه سمعله طنابير=وغنى بعد ذبح العداء ليل لدانه
وثاري تركته عند سيد الغنا دير=اللي سحر عقلي عزايم حنانه
وجدي على راع النهود المزابير=وجدالقريص اللي شروله كفانه
قالولي ادهن مفتق السير ويسير=قلت البلى الجوعان ياكل دهانه
عقلي غداء عندالعيون السواحير=اللي عليها القلب فاقد أمانه
اضرب على شانه طوال المشاوير=والحظ لا هالحين مرخي آذانه
صفّتلي الدنيا بوجهي طوابير=وعزي لمن مثلي يحدّه زمانه
كبّر علي الوقت اربع تكابير=عايش مع الحيين من غير خانه
وانا بشر مااقدر ارد المقادير=شاعرلياضاقت سلاحه لسانه!!!!!!
وا لا مهلهل لحتدم صدره يغير=لهاه !! من سيفه وممسك عنانه
يسقي ذباب السيف دمّ المناعير=ويسوقهم بالسيف لأخر ضنانه
ومن يوم عرش كليب عشعش به طوير=اختار موته عن حياة المهانة