المشاركة الأصلية كتبت بواسطة نداء الغيداني

شفت العنى من صدك اشكال وانواع=من نار هجرك قاسي القلب ماعي
عندك على تعذيبي انواع الابداع=تضغط على قلبي وتلوي ذراعي
تليت قلبي تل من بين الاضلاع=واقفيت به يابو العيون الوساعي
خلاص انا قررت يازين الاطباع=اعلن وداعك وانت تعلن وداعي
عذب على كيفك ترى مابه اوجاع=خلاص انا ركبت قلبٍ صناعي
ابلاستيك القلب قاسي ولاماع=اكوه بهجرانك لنا لاتراعي
واهديت لك قلبٍ نصحته ولاانصاع=على فراقك يالغضي مااستطاعي
ياما نهيته عنك لاشك ماطاع=ماطاع يدله رغم كل المساعي
ماابيه قلبٍ من هوى حبك التاع=في بحر حبك ياهوى البال ضاعي
اهديت لك قلبي ولافيه مرجاع=تستاهله وانا كريم وشجاعي
عذب على كيفك ترى مابه اوجاع=خلاص انا ركبت قلبٍ صناعي