مجرات السماء ما أحدٍ خبيرٍ في كواكبها= والارض مكورةوالناس تسعى في مناكبه
و لكن الحقيقة ماتغيب عند واجبها= يقولون العرب من لاقدم للصيد ماصاد
يالله أنك توفقنا الطريق الصحيح= لين تبلغ هل الهقوات مقصودها
كان شفنا راع الشعبي تكلم فصيح= تطلع الشمس و الجمرة على عودها

مجرات الفضاء في حكم خالقها و محصيها= لكن اكبارها تعرف دوايرها و اساميها
و حكم الله يرفعها و حكم الله يوطيها=يقولون العرب من لاقدم للصيد ماصاد
المسيرة تقدم و العلم مايطيح= جات بيض الليالي و امسحت سودها
لاتحذفون غير الجني اللي يصيح= يزعج المسلمين و يدبل كبودها

وش آخر ماتوصله على الساحة رجال المال= ترى لاهانت القيمة و رخصة ضاعت الاعمال
يا ابن ريفة ترى لك صوت مايجهل و لك مدخال=يقولون العرب من لاقدم للصيد ماصاد
ماطلبنا معونه من يدين الشحيح= ليت بعض العرب ماتنقض إعهودها
الصراحة طلب و أن كنت مرة صريح= وقعت بين شعلتها و بارودها

يجون الناس و يروحون لايمكن يضيق الدرب= و لافيها هزيعة طال عمرك لقحطان و حرب
تقول العلم حط و شيل اقول العلم جدول ضرب=يقولون العرب من لاقدم للصيد ماصاد
من سلوم العرب مايذبحون الجريح= لاتحارش ذياب الارض و فهودها
الصحيب السنافي و الرفيق المديح=الله يجنب القرقاح منقودها

لو أنك ما أنت حاضر قلت للقرقاح وصلها= يامندوب البريد رسالتي و أن جاته ازهلها
لكن الليلة علومك تشكل وش يشكلها=يقولون العرب من لاقدم للصيد ماصاد
لانشدناك يالقرقاح خلك صريح= حبة الخشم مدري ويش مردودها
لايسولف بها اللي في فراشه طريح= كان تقدر زيادة ملحها زودها

أنا رجال عاقل و ادري أن فالوقت برد و حر= و بعد ماعشت فاعل خير كيف أصير زارع شر
ياليتك تعتبرها مع صحيبك رحلةٍ في بر=يقولون العرب من لاقدم للصيد ماصاد
من قدر يفلج الاخصام لايستريح= يزبن المحكمة و يطق فـ شهودها
الجبل مايكبر و البحر مايبيح= و لو تقولون عدها يمكن أعودها

بعد ماقلت لحظه تأصل القاضي و يقضيها= وقف من دونها ياحضرة السامع بناخيها
أنا ما أبري القرقاح و أصحابه ما أبريها=يقولون العرب من لاقدم للصيد ماصاد
اختلط مع نبات الارض عرعر وشيح= و البدو بالصحاري جفت أعدودها
بين دين الحنيفية و دين المسيح= كلمةٍ كودها ماتنكشف كودها

اقول أن اكثر البدوان للي جاه مستاجب= و لابد العسكري بالعسكرية يكمل الواجب
هدفنا مشترك و العين ماتعلى على الحاجب=يقولون العرب من لاقدم للصيد ماصاد
البناخي قلط و الزند يقدح قديح= بيض الله وجيه اللي حمت ذودها