المشاركة الأصلية كتبت بواسطة لينا الوسيدي

	الرائعه سعوديه وانتي بصحه وسلامه وعساج من عواده موضوع مميز جدا ومجهود تشكرين عليه شاعر له بصمه مميزه في كوكبة الشعر ومن الاسماء اللامعه في ملتقى قبيلة حرب قدم الكثير من نبع قلمه الرائع اهلا بك شاعرنا بخيتان البشري مبارك عليك الشهر وعساك من عواده منذ متى صاغت اناملك الشعر ؟ وماهي اول قصيده كتبتها؟ ماهي اقرب قصيده لقلبك ؟ متى كانت بدايتك مع الأنترنت وكيف تجربتك هل تراها قدمت لك شئ ام أخذت منك ؟ ماهو أقصى طموح الشاعر في خضم هذا الزخم الشعري استاذي الفاضل مارأيك بكثرة انتشار الشعراء في عالم النت ؟ وهل جميعهم شعراء حقيقيون! ! مالمواضيع التي تثير قريحة الشاعر ؟ ماذا اخذ منك الشعر وماذا اعطى ؟ من هو شاعرك المفضل ؟ ماهي نصيحتك للشعراء المبتدئين ؟ في الاونه الاخيره انتشر الشعر النسائي بكثره هل تراهن فاقن الرجال في الشعر ؟؟ مارأيك بشاعرات حرب ؟ ومارأيك بالاقلام النسائيه في ملتقى حرب ؟ اتمنى ان تتقبل اسئلتي بصدر رحب

عشنا مودة مالها حد محدود = لا وعد اخذنا مع بعضنا ولا عهود
وإفراقنا ماكان فالبال موجود = تكفيني الذكرى من أحباب غالين
مادري وش اللي عكر الجو تعكير= لاهو شكى مني ولا شفت تقصير
مكتوب راده ربنا لازم يصير= تكفيني الذكرى من أحباب غالين
جنة بها الأثمار وأنهار وعيون = راحت هشيم وفوقها عيون يبكون
عيا الفرح يبقى من اللي يحسدون = تكفيني الذكرى من أحباب غالين
كان الأمل وطموحنا ما يتحدد = وفي كل يوم شعور فينا يتجدد
ومن بعد ماحلمي وحلمه تبدد = تكفيني الذكرى من أحباب غالين
الكل منا يرسم الحال مره = فيه السعادة كل ساعة تمره
واليوم بعد الوقت عانيت مره =تكفيني الذكرى من أحباب غالين
ياليت يالأيام ماشفت جورك = آلله لو تدرين وش كان دورك
ومن بعد قلبي حطمه لي غرورك = تكفيني الذكرى من أحباب غالين
عساه يذكرني كما ما ذكرته = ولو ماذكر من طيب خاطر عذرته
لا يانسانيس الهبايب شكرته =تكفيني الذكرى من أحباب غالين
با اعيش به ذكرى فباقي سنيني = عساه متهني ولا هو حزيني
صعيب لو جيته وأصعب يجيني =تكفيني الذكرى من أحباب غالين

اللـي معذبنـي وهـو يـا عـرب مـيـت=يا كيف وضعي كان لو كان هو حي
انا أشهد اني من هوى البيض مليت=من عقب ذاك اللي طوى دنيتي طـي
اعطاني اللي يملكه يوم انـا اعطيـت=والـكـل مـنـا بـالـغـلا يـاخــذ شـــوي
اللـي لـيـا مـنـه زهمـنـي انــا جـيـت=والـلـي لـيــا مـنــي زهـمـتـه يـلـبـي
شمس الغلا يوم اشرقت مـا توانيـت=نـورت منهـا منه جبيـنـه لـنـا ضــي
ويوم الدروب طوال مادونها انخيـت=سقت القـدم ليـن القـدم درهمـت بـي
لـو كـان تنفـع كلمـتـي قـلـت يالـيـت=ليـت الليالـي تاخـذ الشـي بـا الشـي
جرحتنـي يـا وقـت وفالقلـب شبـيـت=نـار الغـرام اللـي كـوت دنيـتـي كــي
شمس الغلا غابت و روحـي انهيـت=وش عـاد يبقـى دام ماعـاد لـي فــي
يالليـل يـا لليـل الهـوى لـو تواريـت=مــا غـيـره الـلـي للواهـيـب يـطـفـي
يعـنـي كـــذا بـذكــرك والا تنـاسـيـت=من مـات مـات وباقـي العلـم مخفـي