قصيدتي في الاحتماع السّنوي 1440ه
لصّخارنه من الاحامده والذي يُقام ثالث أيّام عيد الفطر المبارك في منزل
الشّيخ/ رباح بن مطلق بن عثمان الأحمدي..شيخ الصّخارنه من الاحامده من حرب
في قرية السّديره
.....................
زان ليل المحتفل وابتدى فيه القصيد = والجزاله مفخرتها لشاعر جابها
وابتدينا واسمعوا منّي العذب الجديد = اعذب امن الصّافيه في ثمين اكوابها
في رباح الشّعر يفخر ويزها بالفريد = شيخ ربعه فاز في ودّها وإعجابها
وفاز في نيل العُلا كلّا بطيبه يشيد = نور لدّيره وحامي حقوق اصحابها
احمدي من حرب والفخر فالوقت الشّديد = قسمنا يوم المواقف يبين احضابها
وابو فيصل شيخنا مركزه نبض الوريد = والجماجم عزّها من عظام ارقابها
لادِعينا في لزومه نجيله من بعيد = واجب النّفس العزيزه وصال احبابها
نجزي الوافي وفا لين يجعلنا عضيد = عادةٍ عشنابها مانقفّل بابها
ورجل يرفع قدرنا شمعة افراحه تقيد = الثّمينه بالغلا تِخلِف لجلّابها
يارباح انته كفو للعلوم اللي تفيد = في سما شهرة نجومه بصيت القابها
الله انّه يجعلك وين ماتوجّه سعيد = والظّروف الكايده ماتجيك اسبابها
والله انّه يحفظ الدّار من ماكِر يكيد = ونار يوقدها لنا ينشوي بشهابها
دارنا دار الوفا جدّ ورّثها حفيد = والاعادي تنعثر ماتدوس ترابها
دولة المجد الأبي عندنا حبّك يزيد = ياغنوجٍ رسّمت بالكفوف اخضابها
في غلاكي نكتب الشّعر ونردّد نشيد = يابلادي واصلي في جديد اثيابها
وفوق هام السّحب غصبا على خشم اللهيد = وسارعي للمجد شاعرك يتغنّابها
الشّاعر/ خالد بن عبيد بن معتوق الأحمدي