نادو لي الشاعر الي واضحن منطقه = احساس عندي ولا ندري وش بغيبها
ياالطالب الي رفعت اعلام حق وثقه = يوم الرسايل تقطعها مناديبها

من بعد ماجاك خلّف الشاشه المغلقه = بعض الاحاسيس يارجال ياطيبها
شمس الحقيقه مع اهل المعرفه مشرقه = واهل اللاعيب مانجهل بالاعيبها

يالله لعله مهف الي رشاه الحقه = بعض البقع مايجوز انك تصليبها
سود الوجيه الكريهه ماعليها شفقه =مادهور العالم الا ودها و جيبها

هذاك محطوط بين القاع والمطرقه = ماهو بقادر لو ان الاذن يوحيبها
من لايميّز لاقول الحق بالمحرقه = اضعوف وتريد كلش حسب تريتيبها

يمكن تحكم العداله بكره بمشنقه=ماكل لحيه نقدرها على شيبها
ثوبن مرقّع وبشتن لبسوه صدقه=روس الحسد عند خالقها عواقيبها

اهل الرسيسات والتطبيل والزربقه = تضيع بالليله الي عاوي ٍ ذيبها
يبقى الغراب ابسواده لوتشوف ازرقه = وانت اقفل السالفه واغلق دواليبها

العيثمه والرقب متعدين مفرقه = ياحرب ياطيب بعض الناس ياطيبها
لا صرت راع الوفاء لك عندي معلقه = يشهد بها الي عقب بكره يغنيبها

سباح مانته سوات العالم المغرقه = والطيبه ماهي سهله وانت تحريبها
ولي يقول الحقايق ربي ايوفقه = مرتاح خاطر وتصفي له مشاريبها