عقلك دليلك ومن له عقل مايغوى
نعمه به النّفس تسلم من مساويها
لاتخسَر النّاس عند أشياء ماتسوى
اللي ماهي كايده حاول تعدّيها
إبد التّسامح سِجِلّ التّفرقه يطوى
نفسك بشحن الخُصُومه لاتعنّيها
مادايم النّاس تمشي لك بما تَهوى
ومادايم النّاس تصفالك مباديها
وإعرِف ترى النّاس فيها العون والمأوى
وعند المواقف تبيّن لك هقاويها
ابحث عن الخير خَلّ الشّر في مهوى
وإذا بترتاح لاتكشِف مغازيها
وطبعاً بالإزعاج تُحرَم طيّب المثوى
لاتهدِم اللي من أوّل كُنت بانيها
إحرِص على أنّ العلاقه بينكم تقوى
لاتكِثِر النّقد والزّلّات تحصيها
والصّادق احيان تُرفع ضِدّه الشّكوى
ومن عادة النّاس تبغى من يحابيها

الشّاعر/ خالد بن عبيد بن معتوق الأحمدي