ياصاحب راشد عى هونك =لي هقوةٍ ماتنثني دونك
خلك نبيه و فتح عيونك=و أقلوبنا صافي على صافي
الليله الليله نبا المسرى على نور النجوم=أنته و أنا ياشاعر السحمان و الساري سراء
مابيننا عقب الكلام اللي حصل حبة خشوم= تعال و الميدان ياحميدان و الساري سراء
تعال ياتركي و أنا باغيك= ماشي هروب الله يبارك فيك
يالو بغيت تروغ مايمديك=و أقلوبنا صافي على صافي
الليله الليله نخوض من الدفاع إليا الهجوم=حلفت لأعديكم الصمان و الساري سراء
اصبر لنا حتى يفوت من الشهر عشرين يوم= من بعدها بسم الله الرحمن و الساري سراء
الناس ماتتعب على شانك= احسب حسابك و احفظ لسانك
لاتزعل المطران عمانك=و أقلوبنا صافي على صافي
مأنته مشدد لك رجالٍ مجدهم مع كل قوم= هون وخلك في حصاءعسفان و الساري سراء
بينت رأسك يالسحيمي للهنادجي و السهوم= و أنته منول خيرة الصدقان و الساري سراء
إليا اعترض تركي على دربي = يحرم حرام أنه عشاء الحربي
مار أسترح يانافخ الذربي=و أقلوبنا صافي على صافي
من طاح ياتركي عطاءالله يالعله مايقوم=اثرك مثل العود أبو دخان و الساري سراء
ماجاك منا إلا الوفاء خل السوالف و العلوم=عد الرعية و إنشد الرعيان و الساري سراء
اسمع كلامي و أفهمه مني= أنته و ش أنته يوم تاكلني
الذيب جاك الذيب يالجني=و أقلوبنا صافي على صافي
الليل توه يالسحيمي و العوافي ماتدوم= و أنته عليك تفتح البيبان و الساري سراء
سوق القظيمه فيه صرنا لانبيع و لانسوم= ليت البضاعه داخل الدكان و الساري سراء
أن كان تبغى العلم بالترتيب= ترى التحرش و اللقافه عيب
أتقولي أنك ذيب ما أنته ذيب=و أقلوبنا صافي على صافي
دور على اكال اللحم ماهو بنا أكال اللحوم=في جنبكم يا أصحابنا المطران و الساري سراء
حنا لاقلت علينا الحاجه الدسمه نصوم=يضلي الحربي مثل ماكان و الساري سراء
ياصاحب كلٍ على دربه =ماهو بعذر اللي تعذر به
و الخوف ماينجي من الكربه=و أقلوبنا صافي على صافي
قبل أمس شفتك ياولد رامي على الغبة تعوم=و من اللحم و من الشحم شبعان و الساري سراء
كل الطيور تحوم غير طيور بقعاء ماتحوم= حتى أيش لو ترفرف الجنحان و الساري سراء
خلك معي فالماقف السامي= لا أنته وراي و لا أنت قدامي
مأنته مغير طبع أبو رامي=و أقلوبنا صافي على صافي
اعوم وسط البحر و أنته تقالبك الهموم=مأنته مسويها مثل راكان و الساري سراء
ياصاحبي تراني ماني من رديين العزوم=لكن فتح قلبك المليان و الساري سراء