قلبى لعـذب المثـل لازان=يرتاح مـن جـور لهـاده
ويفرح بأهله وذات الشان=ســلام لأهـلـه ورواده
عذب المثل يطرِب الفنـان=ويعيّشُـه فرحـة أعيـادُه
يامُرهف الحس والوجدان=ترحيب في عيـد ميـلادُه
راعى وفى طيلةالأزمـان=خابرك ماتخلـف العـاده
هيا معـى ايهـا الربـان=نبحر فبحر الصفا و مـاده
وفاك ترجـح بُـه الأوزان=وماعندنـا زود يـاسـاده
أنا معك حاكِـم السكْـان=بحر الصفا فـن وريـاده
الطيب مالك عنه مزبـان=تارد علـى عـد ميـراده
اعرفك ياساجي الألحـان=لك حرف معروفه امجـاده
هيا أعزف اللحن ياشيهان=ياروعة القيـل وإسعـاده
وإليا تمايل غصين البـان=رد المثـل نقـدح زنـاده
هات القلم واكتب الأغصان=اللى على العذب معتـاده
مادام فى ملتقانـا حـان=وعذب المثل عانق اوداده
الوقت محسوب بالميـزان=لايضيع والنـاس نقـاده
إن كان عندك خبر مليـان=حِّنـا للأقـوال ســداده
خلك معى داخل الميـدان=لا يفرح الحـرف حسـاده
وقاد ناري مـن الأحـزان=اللى على الـروح وقـاده
هذا الزمن ماصفي لإنسان=مابيـن نقصـان وزيـاده
إما سبب في الحزون يدان=وألا مقـاديـر منـقـاده
مانى عليه الزمن زعـلان=عارف مراميه وارصـاده
لا كنهـا طعنـة الطعـان=من خلف صعبـه وكيـاده
منه غدر بالبشـر خـوّان=مايخاف ربُـه ولاعبـاده
وأنصحك تجزاه بالحقران=مادام بانت لـك أحقـاده
ما كان فالبال والحسبـان=يشت عن منهـج اجـداده
ومهما اجازيه بالهجـران=ما ياصل القلـب لمـراده
خذها صريحه بكل لسـان=والقـول يقفـاه شُهـادُه
من باعكم يعتبر خسـران=بُكره إ يتندم على عنـاده