ياابوسعد خطيت في بيض الاوراق=خطيت والمخطوط عيا يبيني
خطيت من مابي حسرات وافراق=وعيت دموع العين تقطع ونيني
ياابوعوض لاضقت والصدر بك ضاق=خلك من اوجاع الدهر والسنيني
وان طوقتك جيوش حبك بالاطواق=شد برفيقن بالشدايد يبيني
يابو عوض لاترتجي متن الاوراق=حنا على سرد الورق مسرفيني
البارحه والجو معلن بالاحلاق=دعيت ربي من رجا التايبيني
يتوب باللي حب رملات الاعماق=من حبه اللي بالفضى محتويني
اللي صدق وعده ولا شاف مصداق=من شين طبع الخلق عيا يليني
لولا الحيا والدين وعلوم الاخلاق=لكان حظه بالردا مستعيني
يابو سعد والعلم مافيه مدراق= انتا خوين لي وهذا يقيني
وش حال من قلبه حكم فيه باغلاق=من دون مايذكر بالاسباب بيني
ومن يومها يااخوي والبال ماراق=لاني مع الحيين واللا دفيني
حتى اللذي بالجوف ماعاد به باق=يابوسعد وش قلت؟هات الرزيني
الاوله لزمت والامر منساق =بنسوق له للبيت يمكن تزيني
والثانيه نعطيه يومين وان عاق=نرسل عليه اقرار يمكن يجيني
والثالثه تثبيت تثبت على وثاق=ياصاحبي وش قلت كانك عويني
ويالله يامقسم تقاسيم الارزاق= ترزق شقي مشتاق كنزن ثميني