تدرين وش قصة حياتي من سنين = مشكله من غث الأيام تشكيل
تراكمت ولشرحها كيف تقوين = عنوانها يكفيك دون التفاصيل
بيتي حزن وثيابي الهم والعين=شابت من اللي شافته من تهاويل
دربي ألم مدري أنا متجه وين =احاول أرقى مير حظي بي يميل
سماي تمطر بالآسى صار لي حين=وتسيل بجروح الزمن داخلي سيل
أروي ظما كبدي وحاليه مُرين = وزادي هموم الوقت بالزايد تكيل
أنورّ الظلمة شموع وقناديل = "ظلمة" 00 تولعها زنود البهاذيل
أظن ماقلته كفاية وكافين = حروف من دمي لحنها مواويل
تدرين هذا من حياتي عناوين = اخاف لو كملت ينهد بك حيل
عنوانها عندك ولو زدت تبكين = اغليك ماودي دموعك هماليل
يكفي ومايخفى مع الوقت بيبين = تكشف لك الأيام من دون تكميل