مرحوم ياريف الجماعه ومن جاه
ياطيب الرفقه قوي العزومي

سند عسى ربي من النار ياقاه
ظاف الكريم اللي بخلقه رحومي

راعي هلا والباب فاتح لمن جاه
دمث الجناب وللمراجل يرومي

عليه قلبي بعد قفن مطياه
بين الضلوع العوج صاير يحومي

والعين لاشافت بدربي حلاياه
هلت غزير الدمع وغرق هدومي

يالموت لاتاخذ هل الطيب والجاه
عليك باللي مايسد الزومي

كبير نفس ونظرته عند ماطاه
ماله عزم مع طيبين العزومي

ياعل مايكثر مع الناس حلياه
امين يامنشي صدوق الغيومي
عجاب صالح الحنتمي