المشاركة الأصلية كتبت بواسطة صقر المراقيب

نظمت ابياتك الجزله ياراع الجزل والتّكميل=قصيده من تسمّعها بشيلتها ايقلّدها
واشيد بروعة الشّيله على المونتاج والتّسجيل=وصح لسان قايلها وصح لسان منشدها
عرف يختار فآللاحان متوافق مع التّفعيل=وفاد وجاد يوم انّه ايغنّيها فموعدها
وهو ذوّاق وابياتك على ذوقه لها تحصيل=قسمّ بالله ماجامل وخلق الله مشهدها
ايغنّيها من اعماقه بلا مطمع ولا تدجيل=بدافع حبّه لداره على بيعه يجدّدها
وشجيّ الصّوت يستاهل على احجاجه له التّقبيل=ويعجبني إلى اتحمّس على ابياتٍ يردّدها
قصيده تحكي الواقع لنا بيجازها تفصيل=تشيد بحرب قايدها حما دوله ايمجّدها
عواصف حزمها قامت على التّكبير والتّهليل=لدفع الضّلم يوم النّاس تستفزع بمنجدها
وقمت بدور يالشّاعر وجبت القاففيه تّحليل=كثير اللي بهاجوسك على امرادك تورّدها
وخطّك بالقلم خاطب كثير اصناف هذا الجيل=طريقة سردك الابيات في فكره تحدّدها
رياض الحزم تتحدّى وتوعد بالنّصر تعجيل=على مطلب عدنّ يوم انّها تعلن تمرّدها
على اطغاةٍ طغوا فيها وعاثوا بارضها تهميل=لهم طاعه لامر طاغي ويجيرانه يهدّدها
وقام الحاكم الصّاح على الميلات بالتّعديل=ولمّ الشّمل والامه على دينه يجنّدها
وختم القاف ياحجيري ياراع الجزل والتكميل=اشيد بروعة الشّيله واشيد بصوت منشدها