المشاركة الأصلية كتبت بواسطة فهد الصبحي

ـ
ـ
ـ
ـ
ـ
ـ
ـ

العين خلف الجفن تبكي عماها=والقلب بين الضلع والضلع حاويه
والفكر مابه ديرة(ن) ما نصاها=والحال كله من بلاويه يرجيه
زادت جروحي والسبايب غلاها=وكان المصيبه وقتها كيف نرضيه
كيف السحابه يمطر الشوق ماها=كيف إنها للورد تعطي وتسقيه
تاخذ يتيم(ن) بالحنايا فداها=وتترك طريق الجور ما عاد تطريه
مثل الاسير اللي بغى ..مابغاها=يبقى على حاله عسى يوم تشريه
حاير ولا له فالبقيه سواها=تضحك له الدنيا ولو كان تنهيه
عيّا يلوم الوقت دامه بناها=وسط الجسد والروح بنيان ماضيه
يرسم على طيف الليالي حلاها=حتى القمر بالليل ما عاد يشقيه
يصبح نهاره ليل مرسى لقاها=والليل عنده بالهواجيس يشكيه
وكانه غفى بالنوم لحظه ... صحاها=لأنه لمح طيفه مع الحلم يبغيه
يصحى يجاوب نظرته في نداها=مايدري إنه بالندا الحلم يمحيه
عقله رثى نفسه ((ضحية هواها))=واصبح يصارح دنيته يوم ترثيه
عقب النهايه للنهايه بداها=مسكين من هو طاوع الموج ...يرميه