الارض بادي عشبها والمكاشيت
زانت لمن عشقه يبوج الصحاري
فوق الشهبٍ مضمون مايقلب الزيت
مجهزه لازان وقت البراري
ماينقص العزبه معه عود كبريت
وطوى الفراش وشغل الجيب ساري
اليا فهق شم الجبال المناعيت
ميل وشب النار جنب الخباري
على وعد خوت نشاما بتوقيت
عجلين مايلثون وسط الحواري
تكاملو روس الرجال الزناتيت
قدام ماضل الشجر له يباري
استانسو بعد الدوامات والبيت
في ديرهٍ لصيد فيها محاري