البارحه بين البحر والفناتير=العين عيا لإيجيها رقادي
في جفنها حسيت مثل المناشير=عزاه ياعيناً بها الحزن زادي
تبكي فراق مكرمين الخطاطير=اهل السيوف الجارحات الحدادي
حمايتاً بالكون برص المواخير=لاشبة الفتنه وانادا المنادي
سيوف هنداً يحتمون الطوابير =كم شيخ قوماًعقبوه الجوادي
اهل كرم مايحسبون المخاسير =ماهوا من اللي يتركون المبادي
لاقيل منهم قلت ربعاً مصاطير =اللي فعايلهم تكيد المعادي
سربت محاميداً تفك المعاشير =لآجالهن و سط المراح اجتلادي
اليا ختلط بالماد ملح ومعاصير=يثنون دون مقطمات التوادي
عن دارهم حنا ابعدتنا المقادير= قسمه من اللي للمخاليق هادي
من دونهم سود الجبال الشناظير=وياما اعترض من دونهم كم وادي
عسى السحاب اللي تقافا مزابير= يسقي ديار منزحين الاعادي
داراً بها منشاى من يوم إنا أصغير= مابه لها مثيل حسب اعتقادي
من بعد ماسجلة جزل التعابير =قم يانديبي فوق جمساً جيادي
مضمون لو كثرة عليه المشاوير= يجعل بعيد الدار بين الأيادي
من شركته ورد برقم وفواتير =توه جديد وهو غاية مرادي
من الجبيل الصبح يشلع تقل طير=ياسايقه خلك شجاعاً مفادي
كمل من الدمام نقص المواسير= وحط الرياض يسار زول البرادي
عد القصيم كفيت شر العواثير =وخله بوجهه تقل يحداه حادي
ومر الحناكيه على وجهك وسير= خلك على الطرقه صبوراً جهادي
والعصر ونته بالمدينه على خير= واليا وصلة انصى الرفيق السدادي
انصى ولد مسعود ريف المسايير =اللي محله لرجاجيل نادي
قله انا مرسول بكتاب لاغير =من واحدن ضاقة عليه البلادي
دايم همومه وارداتاًمصادير=تقول قلبه للهواجيس مادي
تجمعن بين الضلوع المحاشير=لما اثرن بالقلب جرح وسوادي
طلال يامشكى كيف التدابير =دون المدينه وقفاً بالسنادي
بعداً يكيد مسمكرات المسامير =يخبطن بالدرب لوهن جدادي
لكن ابصبر واليالي مدابير =عسى يزينهن رقيب العبادي
ويصير بعد البعد قرباًوتيسير =ورتاح من كثر العنا والجهادي
قلته وانا ماني خطات المعيثير=اشب ناري من شرارة زنادي
ارشاى ياصل يافتى جمة البير =ماني ولد شاوي سكن بالردادي
ليه مع الاجواد قيمه وتقدير =ولاحب ناساً يتبعون الفسادي
جاك الكلام اللي سوات الدنانير= اللي نضمته من غرايز فوادي
واليوم ماتقبلك بعض المعاذير=مدام خصيناك شد الشدادي
وفهم ترى ماهو تحدي وتعسير=لكن تيار التماثيل زادي
عن قصتي موجز عطيتك وتقرير=بعشرين مع عشرين عداًوكادي
ياشاعراً عانق كبار الشؤاعير=واللي زرع ينضر ليوم الحصادي
والخاتمه مني تحيه وتقدير=عداد سكان القرى والبوادي
والمعذره لاصار بالقول تقصير=وصلا ة ربي عد نشر الجرادي
على الرسول اللي دعى الناس للخير= عداد مانشر الخبر بالروادي