.هواريو يا هل الديوان
(قود مورننق) دوبنا جينا
هل من مبارز على الميدان
وده يقرررب نواحينا
ابن حماد
قد مورنك سير ياربان
قربت كانك تنادينا
هي خلها تقبس النيران
و يطيح فيها معادينا
الكرت
طاب اللحن والمصافا زان
سوق القدم سوق ياخينا
والساريه مالها عمدان
ربي من الريح ينجينا
ابن حماد
با اسوق معك الحن يادان
وامشي معك يا مماشينا
جيتك و انا للصفا طربان
خذ ماتبي و هات موفينا
الكرت
انتا على الطيبه كسبان
وش عاد ودك تجازينا
يا مرحبا بك عدد ما بان
برق الحيا في اراضينا
ابن حماد
الطيبه تنجزي با إحسان
و ان جاتنا منك تضفينا
جعل البقى يانسل شيهان
يا خالنا او بناخينا
الكرت
لو نوزن الود في ميزان
بحظور من هو مجافينا
ضنك غروره يزيد اطنان
و اللا يعيد النظر فينا
ابن حماد
انكان مثله لكم ولهان
هذا الامر منه يكفينا
لاباس تشكي الم سقمان
عسى مجافيك يوحينا
الكرت
اللي دخل عالم النسيان
يا الكرت ما عاد يشقينا
حتى خيالي فبعض احيان
ما له شواطي و لا مينا
ابن حماد
مادام من حبهم قنعان
وصبح قديمه فماضينا
هوالذي اصبح الخسران
والاامر ماعاد يعنينا
الكرت