خليفة المزروعي=
سـلام رده لهـا فالـرأس مطنـوخ=وأبغى رجالـن يـردون السلامـي
الدرب طايل ولايسلم من فخوخ=واللي خوي حميته مـن حزامـي
ابو اياد الشيخ=
يا مرحبا من هنا لحدود صـلبوخ = ومن الشمالي ليا الحيد التهامي
ما همني طاخ والا طيخ طخطوخ =ما دمت في خوة الحـر القطامي
خليفة المزروعي=
عسى البقى نبتدي والقاف منسوخ=مــدام ابــو ايــاد يـمـنـاي وحـسـامـي
ياجـيـد الـخـال مافالـشـعـر مـرضــوخ=كـلـن بـيـا خــذ مـنـه عــز القـسـامـي
ابو اياد=
الصرح شامخ ولا به جنب مشروخ =عطني علومك وباتسمع كلامي
أرض الصباخي ترى ماتنبت الخوخ =من حاز قسمه تعـــداه الملامي
خليفة المزروعي=
الصـرح مايـل ولــه هــزات وشـلـوخ=واللي على الصرح ياكثر الأسامي
لاكن ألفعال مـاش أفعـال ياشيـوخ=لـوكـان تـزعــل بانعـطـيـك الـعـلامـي
ابو اياد=
تقول وتعـــيد وانته داخــــــل الكـــــوخ = منهم وفيهم تمامِ بالتمـامي
وان كان في الصدر باقي شي مطبوخ = أفعال ربعي تروّي كل ظامي
خليفة المزروعي=
منكـم وفيكـم ولـي جنحـان وكفـوخ=وفالواجـبـه مايـجـي عيـنـي منـامـي
مايحمل الحمل راعي بشت منفوخ=مايحملـه غيـر صلبـيـن العضـامـي
ابو اياد=
والنعــــم ياصاحبي وابليس مكموخ =ما اذمكم يا بعــيدين المرامي
والشين حاله ردي لو يلبس الجوخ =يطيح في مثبره وقت الزحامي