المشاركة الأصلية كتبت بواسطة الندااوي

باسم الكريم اللي هدانا للإسلام= الواحد الفرد الصمد محيي النبت
عالم خفايا الكون ومدير الأ نسام= مالي ولي غيره رجيت وتطلبت
يجبر عزاء قلبن من الوقت منظام=جوايحه منها تثنيت وإنصبت
مالي سوى عطفه ولطفه والأ نعام=منه الفرج راجيه دوم وترقبت
يلطف بحالي دام حلمي غداء أوهام=متورطن وأركض من السبت لسبت
ابي السلامه لكن الحظ ماقام =وازريت احقق شئ يذكر وشيبت
وادعتني الحاجه حضيبي وكظام= سودالليالي عاتبني وعاتبت
قامن يحدني على بعض الازلام= اللي وردهم حقنا لين جنبت
وادعتهم واقفيت ماني بلوام= من جاد جدناله ومن خاب ماخبت
قلبي هوا بيضن طويلات الاكمام=ولو يتهين له سكن هضبة التبت
ولولا غلاء محمد تحيزمت بحزام=وخاشرت راع الهيش في عيشة الخبت
أخذ حلال أيتام وأقريبه صيام= وأساعد المحتاج وأشفق على طبت
ارمي الشحم لكرام وإكلابها إعظام =وامشي بخطن عام مهما تغربت
متعلمن لسلوب بقعاءوالاحكام=على نظام السير فيها تدربت
عشت القساء واللين بالعزوإكرام=وابحرتها مشمل وشرقت وأجنبت
وإن زاد لي مالن من الصاع وغرام= يفنى وحقي ماتصدقت وأوهبت
ومن لاقداه الرب تسيير الاقدام =يبلش بحاله من هل الكبت والغبت
سباقة الاحداث في نشر الأعلام= اللي ينولك شرهم لو تهربت
سود الظغاين سعيها قطع الارحام=واشوارهم شرن إلياطعت نشبت
ومن يشرب الدخان لو كبه أعوام=خطرن عليه يعود لوقال أنا تبت
وعن مايكنه خاطري روس الاقلام= وضحتها توضيح واثبتها ثبت

سعود شديد النجدي الوسيدي