يا سلام الله سلامٍ من أحساس وضمير =من هجوس الشاعر اللي يحسب حسابها
الحموله جاهزه مير ما شفنا البعير = والجمال الله خلقها طوال أرقابها
مرحبا ترحيبةٍ قادها سلك الحرير=والحضور من النشاما يسد غيابها
الحمول اللي بها الفايدات من زبير=والبضايع يعتني بالمهر من جابها
البقا باللي يدفه على الدرب المسير = لحيته عطرا وعينه ترف أهدابها
أنت لو الله يفكك من الحبل القصير = كان أبضمن تارد العد يا شرابها
يا الله اني طالبك يا الكبير ويامجير=مـن علـومـن مالهاسلـمـن يرقابـهـا
والله ان الكذب للرجل مذموم وخطير=والضلايم دوم في حض من يسعابهـا
طشـك الله يـا حمـد فــي رحــاةٍ تستـديـر=ووش يفكك من سليم أن حضر مشعابها
من معه لقمه كبيـرة وهـو حلقـه صغيـر=لا يقـوم يصيـح لا مـن شـرق وأومابـهـا
انت موجك ماركد مير وقـع لاتطيـر=كما عصٍ ماوقعت غيرباللـي جابهـا
آه يأهل الشعر والعرف والدرب المنير=النجوم اللي يهز الخفـوق اعجابهـا
أثر عامر ما رمى ليـن عمًـر لـه عميـر=يـا رجـال مـن لحاهـا نـعـرف أشنابـهـا
الرغى ماهو بمرغوب من عقب الهدير=والعرب ما تقبل أصحاب غير أصحابها
لك علومن تطحن والثري ماهو فقير=لاكن اوزن هرجةٍ مايجوز إعرابها
انته اول مرسل السبر قـدام النذيـر=والنهايه تبكي العين شوف احبابهـا