فايز المحيسن=
سـلام رديـة وفـا نجبـر بهـا العـظم الكسـيـر = من هاجسً ساق المعاني بالحروف الممتعه
ياشاعـرً تغـرف مـن الجـم الـرهـاوي والغـزيـر = قدمك ترى طحن وطحين من دون صوة وجعجعه
خليفه المزروعي=
يامرحبا في مرحبا ينشط بها راع السرير=ترحيبةٍ/ن فيها صنوف من الزهور مجمعه
حذراك من حدرالسيول وحذر من هدر البعير=وليا نصحكم صاحب الخبره عليكم تسمعه
فايز المحيسن=
عسا البقا بعض البشر ماحاكت السلك الحرير = واللي قطع سلك الحرير لابد نقطع لصبعه
البحر لامنّه طما لابد له موجً خطير = اليا وصل لليابسه مضموض يترك زعزعه
خليفه المزروعي=
الليل هت السالفه خلك من المدح الكثير=هات المعاني يارفيقي خل عنك المعمعه
ونعرف عوام البحر ونعرف عوام الغدير=اما تجي راعي فعل ولاتجي فالصعصعه
فايز المحيسن=
مايداحم الريع الصغير اجبال في سودة عسير = ميّر الزمنً فيه اختلاف حتى الفصول الاربعه
اللي مجليه الصفير اليوم نسمعله صفير = من بعد ماجاله سند شفناه طش القنعه
خليفه المزروعي=
ا للي مايعرف كيفنا نسقيه كباية عصير=عصير من مر الحدج غصبن عليهم يبلعه
الهامه اللي فالجسم لاكن في عقله صغير=مهما تحاول ترفعه ينكس يعود مربعه
فايز ال محيسن=
العلم واضح مدري وش اللي تريده يامدير = عرفت دربي صعب ماتقدر عليه تضيعه
(هرّدلك) يا حرف الشعر ياالله عسى حظك وفير = صاحبك طيرً مايطير حنا عرفنا موقعه