خليفة المزروعي=
البدايه بالسلام ورحمته ثم ابركاته=ثم نادولي على ابوإياد سيد العارفيني
راعي الست البكار احتار في ثنتين جاته=والوسوم اللي عليها فالدير متخالفيني
ابو اياد=
عد همال الغشين وعد ما ينبت نباته = مرحبا بك يا خليفة يا سليل الاكرميني
كان راعيها يخليها تحت ضافي عباته = ما يغر الوسم يا الصاحب وله قلب فطيني
خليفة المزروعي=
يقول انا ماقدر على الثنتين لاجات أفحماته=والعباد اليوم من بعض العوارض خايفيني
السلايل تختلف والولف يصعب في سواته=وعين فاليسرا وعين ايلدها يم اليميني
ابواياد=
كان ما يقدر يعذر لا يجلينا شماته = من يخاف اليوم يسلم يا معين الصابريني
الحكيم اللي تخير ما تعجل فخطواته = ثابت النظرة ولا تلقاه يصفق باليديني
خليفة المزروعي=
ود في كسب الجميل وخوف من كسرة عصاته=وان تركها روحت عند الطغاه العابثيني
مامضى كانت فذود معززه تحت احصاناته=وفرقوعوه الذود ناسن حاقدين وطامعيني
ابواياد=
الموصى يا عميـــــلي ما يفرط في وصاته = ما يخليها ولو حب البشر يغدي طحيني
ومن توكل واجتهد في الحق ما لانت قناته = رد كيد الحاقدين وصد جيش المعتديني
خليفة المزروعي=
هو وده ياعساها تنكتبله في حسناته=ومن كسب درب الجميل يفوز بالعلم الثميني
والعدو لو يكثر الطقات طقه في حصاته=بس خوفه من صديقن في عداهم مايبيني
ابو اياد=
دونها يا صاحبي بيجف ريقه في لهاته = ماله الا ما كتب ربي على صفح الجبيني
والصديق اللي تقوله تفضحه نبرة لغاته = ثم جنب عن طريقه واطلب الشخص الاميني
خليفة المزروعي=
رايكم فيه الهدا بيحطها في وارداته=وطيب النيه على نيا تهم متوفقيني
ايوكل الله ايضمها والصبح يعطيها رعاته=وياعسى ربي يعدلها بعد صفق السنيني