خليفة المزروعي=
من يلاعبني ويا خذله من الحربي هديه=وان رسب قلنا وسيع الباب تصحبه السلامه
والمعاني قودها عندي مثل قود المطيه=وطلعتي طلعت كرا ماهي كما برق الرغامه
ابواياد=
أنت يا الحربي تغني باللحون السامرية = لا سلام ولا مراحب غير تومي بالعمامة
هات علمك والثمن يا صاحبي واجب عليه = فوق ظهر شدادها ماني على وسق المسامة
خليفة المزروعي=
من يرد اللي يغني دام عنده شاعريه=والسحاب اللي نطحني هو مطر ولا غمامه
واحمد الله بعد جيتو ياعميلي في يديه=حسب ماشفنا لكم فالقيل طلعات وعلامه
ابو اياد=
ما نردك لو تلحنها لنا صبح وعشية = مير من يترك سلوم القيل تغشاه الملامة
مقدمي مقدم صدوق الغيث للدار السنية = لا نهاب ولا نذل ولا تجي فينا الرخامة
خليفه المزروعي=
منت لاقي من جهتنا لاكثير ولا بليه=لو توديها رجال العرف ورجال الزعامه
مانذمك ياخوي الخير ياجزل العطيه=لاتلزم في حبالن ماتوردك الجهامه
ابو اياد=
ما عرضناها دعاوي ما رفعناها قضية = وأنت مثلك ما يغر الدرب لو دونه عسامة
التحية والسلام فشرعنا سنة زكية = كل عاقل يرسله للناس في مبدا كلامه
خليفة المزروعي=
ودكم لاكن ماتقدر تسويلك دعيه=لاتغيشم وانت رجلن ماهقيت الك الغشامه
السلام اللي ذكرته حق ماقلك خطيه=بس مايفرض على القلطات ياالشاعر نظامه
ابواياد=
القضية مثل نور الشمس وانته في نحية = وين غادي صاحبي في طرقته مدري علامه
تعترف بالحق وتراوغ ولالك مقدرية = لاتقع يا هيثم الكسرات في فعل النعامة
خليفة المزروعي=
الحقيقه لك تحيه من كمايه عسكريه=والسلام اساس للإسلام لا يوم القيامه
الهدف نبغى المعاني لين كملنا البغيه=والعفو مني ومنكم يارياجيل الشهامه
ابواياد=
والله انك يا عميلي كفو في هذي وذية = قدتها يالشاعر المقدام لا حد النهامة
والسموحة لن بدا يا اصحابنا منا خطية = نلتقيكم في دروب الخير يا رجال الكرامة