بسام الصحفي=
بابدع القاف وازهمك يانسل القروم = ياخليفة تقدم نحكر طروقها
ياسلامي بردة وافية لك تدوم = مثل مزنه مطرها سابق بروقها
خليفه المزروعي=
جيتكم يارجال الطيب واهل اللزوم=مقابل الغانمين ومعطي أحقوقها
ياهلا مرحبا ترحيب هات العلوم=والبضاعه الثمينه ينتعش سوقها
بسام الصحفي=
يالعل البقا والشكر لله الرحوم = للمطية شداد ورجلها فوقها
ولايدرهم قدمها غيرظفرٍعزوم = ولاتهم المسافة حزة سبوقها
خليفه المزروعي=
كل رجال ياخذ قسمته من قسوم=والمطيه لها ركاب ويشوقها
وأنت واصل قمر ولاوصلت النجوم=شمسكم ياصحيبي فاول أشروقها
بسام الصحفي=
الخيار الخيار ايكون حسب الرسوم = والنواظر تخيّر رسمها بذوقها
ناظري فالقمر يارجل مثلك فهوم = ابومتعب قمرنا قبل ولحوقها
خليفة المزروعي=
لا تخيرت سهمي من كبار السهوم=وأخذ البيضاء اللي ترمي أزروقها
يحقلك يالسعودي ترفع الراس دوم=دام صقر الجزيره قايد أدروقها
بسام الصحفي=
تخير حسب كيفك مانصيتك بلوم = والرجال الجويدة يسر منطوقها
معلينين الولاية مجويدين الحزوم = والشجاري الخبيثه نقطع عروقها
خليفة المزروعي=
فكل جابه لكم عندي محبة خشوم=ومن زرع طيبه جناي لعذوقها
شوف من حولنا قاده خبول وغشوم=ضيعت حالها وشعوب من بوقها
بسام الصحفي=
شيخنا شيخ وافي شيخ يرقى الرجوم = يملك قلوب شعبه منزله موقها
ماتفرد بنفسه خصها بالشحوم = يوم غيره ترأس واصبح اسروقها