خليفة المزروعي=
ألقاف هذا لمن ينصاه يوم الثلوث=بعد العشاء كان ونه عنده ألمقدره
نبغى المعاني على الطالات ماهي غثوث=واللي يرد للعرب فالواجب اتصدره
ابو اياد=
القاف هذا ترى باشبهه يا ليوث =تشبيه عاقل وبالمرسام والمسطرة
أهل المدن ذا السنة ما يرغبون الغيوث = والكل خايف ليا جا السيل لا يحشره
خليفة المزروعي=
حياك والضفر ضفر ولا يعاوز حثوث=ويجيك في جابته تكميل ومعبره
مادام ألأقمار يابو إياد فيها البثوث=معاد تلقى علوم اليوم متستره
ابو اياد=
أقول ما يسمع الموتى فوسط الجدوث = عالم تحب العبث واللعب والثرثرة
والحبة الطيبة تطلع بزين الحروث = ومن لاحرث ما تجيه النقرة المثمرة
خليفة المزروعي=
أحترت وش يسلم ألعيدان وسط العثوث=وأنكان ماشي علاج عصي متكسره
الحبه الطيبه تخرب في وسط الخبوث=والناس قامت على الضيعات مجمهره
ابواياد=
إن كان ما الله هداهم طولوا بالمكوث = خطوة سليمة أمام وست متعثرة
الدين حبله قوي ما هو سواة الرموث= يا الله عطنا الهدى والعفو والمغفرة
خليفة المزروعي=
الناس قامت تلبث فالحضاره لبوث=حضارة الغرب واهل الكفر متشطره
قامت تزين لهم والناس مثل الشبوث=ليا لقو شي قامت فيه متعنتره
ابو اياد=
اللي رضع من لبنها عانه أصبح يغوث =هندامهم بهذلة واوجيهِ مصفرة
واشد منها عمايل فرس وعيال حوث = نبرا من اعمالهم والشر نستنكره
خليفة المزروعي=
هذا بلانا لفانا بعد جات البعوث=قلنا يجونا بعلوم وجو بالطنبره
اللبس بنطال وألأعيان يم الشروث=وتلقاه كل المهمه عندهم مضهره
ابواياد=
بغثان قام يتثنى خلقة اخته بغوث = ويشكل ألوان فـ المكياج والصنفرة
لو تنهمه بالكلام يقوم يلهث لهوث = والخاتمه يا خليفة شغلهم مسخرة