سلام ياراع الوفى منبع الجود
يانايف الصديق ياشامخ الراس
متفقده يالقرم عن كل منقود
ومغلفه بالورد وعقود الالماس
ياصلك لو دونك مسافات ويقود
يجيك في ذكر الحيا كل عساس
وذكر الرجال اللي لهم فعل مشهود
شرواك ياحلو النباء طيب الساس
يالناحلي علمي سلامتك محدود
اخلاصته يالقرم مابين الاقواس
وان ماتهيا يافتى بعد مجهود
والله مايلحقك لومي مع الناس
انا مجرب بيض الايام وسود
وقت الرخا وايام الارياق يباس