فمان الله روح وكل جرح يزيـده التنهيـد=فمان الله روح وراعـي المخلـوق خلاقـه
بعد ما اقفيت لا تنشد سعد و الا فهد وفهيد=على قول المثل شرهة قدم رجلك على ساقه
ترى عند البدو فرقا الردي دايم تسمى عيد=وانا نفسي بعدك لثالـث الاعيـاد مشتاقـه
وعن عاداتنا يالبدو حنـى مانحـب نحيـد=عزيزين النفـوس وللصداقـه دوم سباقـه
صداقتنا مع الايـام دايـم تقبـل التجديـد=وعداوتنا تجـدد مثلهـا والنـذل نستاقـه
دمحت الاوله والثانيـه والثالثـه وتزيـد=انا اجاملك وانته تحسب اني علـى فاقـه
تبيني عبد عندك وانت في درب المحبه سيد=لك الله ماتحقق رغبتك لو جبت لـي باقـه
جمالك لا يغرك لو مدحته منت سيد الغيـد=على بالك منول يوم قلبي محكـم اوثاقـه
عساها روحتاً مابعدهـا شوفـه ولاتنكيـد=ولابد الوقت يثبت لك سبايب صكت الطاقه
صحيح الزين ما يكمل امانه بلغـه يازيـد=وقول الزين مايكمل يليـن ايزيـن اخلاقـه