السلام عليكم ورحمة الله وبركاته
قصيدة مهداة لشيخ / درزي بن هابس بن شطينةالحربي بتاريخ 8/4/1435هـ
جينا ولـه لأهـل الوجيه المسافير=جينا بكل الشـوق والكل مشتاق
ماهمنا طول السفر والمشاوير=ماهمنا لو بالمشي يتعب الساق
جينا لشيخٍ ما يهاب المخاسير=شيخٍ تعلت سمعته فوق الآفاق
معرب الجدين واف الأشابير=كريم وافي كاسبٍ طيب وأخلاق
سطرت من شانه حروفي تساطير=وأبدعت قيفاني على بيض الأوراق
درزي بن هابس خوي المناعير=درزي أبو عساف لطيب سباق
رمز الكرم رمز الوفاء يفعل الخير=صدره وسيعٍ لرجاجيل ماضاق
كريم ماجاء منه نقصٍ وتقصير=يروق اللي خاطره ما بعد راق
من لابة شجعان كلهم صقاقير=حرب معروفه للكرم غصب تنساق
كبيرهم بالطيب يكفخ كما الطير=وصغيرهم في بحر الأشعار عملاق
وعدوهم لاجاء براسه صعاطير=ضدوه غصبٍ لو على قطع الأعناق
وآخر قصيدي اسمعوا يالمشاهير=درزي تعلت سمعته فوق الآفاق
الشاعر / صالح المزيني