قبل القصيد وقبل ترديد الاشعار=ببداء بمن ينشي حقوق المخيله
يالله يالي عالم بغيب الاسرار=يا لواحد اللي كلنا نلت جيله
تحفظ ديار الدين من شر الاشرار=اهل العقول الفاسدة والعليلة
من بعدها سلام منصاه الاخيار=لضيف والي حاضرٍو القبيلة
تحية في ريحها عطر الازهار=تحية مثل النسايم عليله
تنصى الشيوخ اللي لهم مجد واذكار=تنصى الغنيم اهل القصور الظليه
اهل الكرم والجود حماية الجار=زبن الدخيل اللي همومه مهيله
حماية الميقاف في وقت الاخطار=يوم العزاوي بسيوف الصقيله
وثني تحياتي معزه ومقدار=للي دعاني من دياري اجيله
الشيخ مانع من رياجيل الاحرار=شيخ على درب المراجل دليله
شيخ ولد شيخ معرب وهودار=سليل عود ارتكا لثقيلة
سليل منهو ذاع صيته بالخبار=سعد السعد اللي فعوله جليله
خو سنيد يأهل العز والشار=نجم رقى فوق الجدي مع سهيله
لازل رسمه ياهل الدار بالدار=نحتٍ على صم الجبال الطويله
عسى الولي ينزله جنات الابرار=رحمه من الرحمن تبقى مقيله
ونا الجريسي يا ضيوف وحظار=ربعي بني حلتيت ربع الجزيله
حنا بني براهيم صلبين الاشوار=لا لمست النيران راس الفتيله
يوم الليالي سووها يشعل النار=صغيرنا لاشب سيفه يشيله
ونعمين في كل القبايل هل الكار=كل على مجده يسابق بخيله
ومبروك يا محمد عسى فرحك النوار=يضوي كما نجم السماء كل ليله
عسى السعد يبراك ياشبل الاخيار=يبقى على دارك سنين طويله
وصلاة ربي عد ما بالفلك دار=على نبي الله رسول الفضيله