كان الشاعر محمد بن احمد المحمادي يشتكي من ماء في عينه
كانت السبب في فقد بصره..
وقد الح عليه ابناءه وابناء عمومته واصدقاءه بضرورة الموافقة على اجراء
العملية وكانت نسبة نجاحها 5%..
العم محمد كان رافض اجراء العملية بتاتا الله يرحمه
وكل من جاء يكلمه يقول (ماني مسويها)
في يوم من الايام (وطبعا العم محمد يعشق شي اسمه خيال)
تخيل ان العين (زعلانه منه) وكانها تعاتبه
وتقول (ليه يا محمد ماتبغاني الناس يقولون لك رجعها وسوي العملية وانت
ترفض)
وهنا قال العم محمد (قامت تعاتبني وهي السبب في حالي اللي وصلت له)
وكتب هذه الكسرة يعاتب فيها عينه:
ان كان يالعين ماصابك=اسباب انتي جنيتي ذنوب
وعجلك الرب بعقابك=بالصبر بلجا مثل ايوب
ون ردلك لاتقدابك=لعل طرفك عقل ويتوب
يشفيك قادر من اسبابك=اللي مرجع بصر يعقوب