(رشيد)معدله

يامرحبا تشريف وبحال تكليف@عن مايكن رشيد دوري نيابه



في محفل يجمع دهات العواريف@شيخان واعيان اللبلد والقرابه

ونيابتي اتزيدني زود تشريف@ في محفلن راعيه وسع رحابه

والطلب من الي في يديه التصاريف@ يكتب له التوفيق في ماسعابه


جدد وعدد ماحسب لتكاليف@من منسبن مجناه من ليث غابه

من عزوةن يشمهاالخصم ويعيف@عزوة هل الوضحى رجال المها به

ببيوتهم مزبان من مسه الحيف@يدخل بمان لله ويكرم جنابه


مدة حياته كن ملجاه في قيف@بوجيهنامادام باقي مصابه

علمن دليله مايروح مع الهيف@والي يبي ينشد علي الاجابه

مقدامهم سلطان بوجوده ايضيف@يحي ايوفيصل وياحي ادابه


ورشيد اماريبه ولاجيت له ضيف@ انا ابن عم وقام يبدي إعجابه

يوم افتخر بارشيد راعي مواقيف@اعتز فيه بحضرته وبغيابه

يارشيد مدحي فيك مندون تطفيف@فيك الكرم مجبول غير الحبابه

وفي منهج التعليم بعلى المشاريف@وتجيد بالإعلام فن الخطابه

شاعر واديب وحده اقطع من السيف@وايضاء من رجال الفخر والمجابه

اعيال راشد بالملاقاء نواتيف@ واهل الرمك والسيف يقطر الذبابه

واليا تعلم في ضهور المزاغيف@ من طاح قدم النحورهم لذيابه

معهم سعد دون البكارالمشاعيف@كم عقيدن ماخذينن الركابه

الحي منهم في مرار التحاسيف@ ومن مات لسيوف اللعطب ويش جابه

تاريخهم معروف مندون تعريف@تشهد لماضيهم قبايل شبابه




من روس حرب وفعلنا بالنقاء شيف @تحمل لقب مشهود حرب الحرابه

وحرب الدول من فعلنا لسمناء ضيف@اسمن زهى الحربي وهو اعتنابه

تم الكلام الي نقيته عن الزيف@والفرق والترجيح دق الا صابه


شرحت معنايه ولافيه تغليف@عن الغموض الي يجيب التشابه

الشعر له فكره وللبيت توضيف@ والياالبحر الشاعر كشفلك اكتابه

شعر المنابر واعتلاج المحاريف@ يستهلك الطاقه وينفك بابه

ورسايله توجيهها بالمضاريف@واكبر خطرمنها الرشاء واكترابه


نوبن يجي تكليف واحيان تصنيف@واحيان دوره مثل حجرف ودابه

وصلاة ربي عد ماينبت الريف@على نبين منهجه يقتدابه





#غازي_مغيران_الزغيبي