|
|
البارحه قالوا عسى ما تذكرت=عساك سالي عن جميع الهمومي
ياناشدن عن حالتي لو تكدرت=ابشرحه كانك تسد للزومي
وكانه حجي منك استبيح وتعذرت=ابعرض عن الموضوع واقفل علومي
خلاص من جور الليالي تعلمت=وشفرت موضوعي بعدت رقومي
ما كل من صافح يميني وسلمت=اعده صديق ومن عزيز القرومي
عاشرت كم ناس ومنهم تندمت=الله يجير اللي يعاشر رخومي
كبير شره لو غلطت وتكلمت =يشره ولايشره ردي العزومي
عزالله انك خايبن ماتجملت=راع الرداء يشبه لجرد الهدومي
لو غسله غسال والا تأملت = مايغير الغسال جرد الهدومي
واقرا الخطاب اللي وصلك و تسلمت=بعدك ترى عيدن وقرب ثلومي
وكانك تبي رد المعاني تؤلمت =اقبل وانا بحر القوافي اعومي
|