يقول الإعلامي والأديب والشاعر/ محمد عبدالرحيم السيد - ابوطلال
ذكرتني ياقمر عشرين
ايام عشق الهوى لايق
سلام للي معي باقين
بوجودهم جونا رايق
وشاركته بها في قروب (كسرات في كسرات) فكان هذا التفاعل مع هذه الكسرة من شاعر المحاورة الفذ / أيمن فريج الحازمي - ابو سلمان:
شوقتنا حيل للناحين
وايام فيها الهوى فايق
ترحيب لأصحابنا الوافين
يطرب له الخاطر الضايق
ابو سامر
ياذا الخواطر تجينا منين
والا تجي منين وتوايق
تبقى.ودام الزمان الزين
قلبي لطاروقكم شايق
ابو سلمان
غزير بحرك ولك تبيين
ماهو مثل صاحب الحايق
وحنا لحرفك من القارين
ما يعوق راع المثل عايق
ابوسامر
مازود عن مثلكم لاقين
محلا معانيك للذايق
من بادي الوقت لا ذلحين
للواسمة قافكم سايق
ابوسلمان
نبقى على نهجكم ماشين
ولحرفكم خاطري تايق
مثل الذي فاقد الغالين
ماعاد في بعدهم طايق
ابو سامر:
صاحبك قلبه غدا مسكين
والدمع محبوس بالمايق
لجلن قالوا ابو ستين
ممنوع للود مايهايق
ابوسلمان
عظيم جرح الغرام يبين
يسهر على وده العاشق
اسبابها بين قلب وعين
والسن ما شكّل الفارق
ابوسامر
واسيتني والوسى تطمين
والقلب يخفق مع البارق
ثعل المزن رمز للغالين
والود ما يدرقه دارق
ابوسلمان
طبع القلوب الرهيفة لين
وإحساسها فالهوى غارق
واللي لأهل الغرام يعين
قِد جربه جرحه الحارق
ابو سامر :
👑👍✅🌺على راسي يبو سلمان كفيت واوفيت صح لسانك وسلم بنانك يالغالي . والى لقاء اخر ماتع مع قافك العذب استودعك الله
ابو سلمان
يسلم راسك استاذنا ابو سامر
امتعتني بهذه المحاورة وسقى الله زمان زل
صح بدنك ورفع الله قدرك